ودع المدافع محمد عبدالمنعم، ناديه السابق الأهلي المصري وجماهيره، قبل الانتقال رسميا إلى نادي نيس الفرنسي، خلال فترة الانتقالات الصيفية الحالية.
ونشر عبدالمنعم، مقطع فيديو عبر حساباته الشخصية على مواقع التواصل الاجتماعي، حمل رسالة وداع لفريقه السابق الأهلي.
وقال عبدالمنعم في رسالته: “عارف يعني إيه تنام وتحلم وتصحى تلاقي حلمك اتحقق، دي كانت حياتي في النادي الأهلي. من يوم ما كنت طفل صغير كنت شايف نفسي بالتشيرت الأحمر بلعب قدام جمهور كبير ويهتف باسمي”.
وتابع: “الحلم ده مش بس اتحقق، ده جزء من حياتي، وجزء مني. 15 سنة مروا عليا في النادي.. 15 سنة عشت فيها.. لحظات كثير من الحب والتحديات والفخر مش مجرد لعب كورة، دي كانت رحلة فيها كل لحظة بتشكل جزء مني”.
وواصل عبدالمنعم حديثه: “يوم ما لبست تيشيرت الأهلي لأول مرة، حسيت أن دي لحظة مش هتكرر، اللحظة الي عرفت فيها إني بقيت واحد من أولاد النادي، النادي الي حلمت بيه من صغري كل تمريره قدمتها، كل هدف سجلته كانت مليانة احساس إني بعمل حاجه عظيمه حاجة أكبر مني”.
واستطرد: “الأهلي أداني أكثر من اللي كنت بحلم بيه واداني شرف أن أسمي يرتبط بيه. الذكريات مش هتنتهي، أنا فاكر أول مرة دخلت ملعب التتش الملعب اللي شاف مجهودنا وعرقنا، الملعب اللي شاف كل فرحة، فاكر أول مرة الجمهور هتف باسمي.. اللحظة اللي حسيت فيها أن قلبي هيقف من الفرحة، الجمهور ده هو اللي صنعني هو اللي وقف جنبي في كل لحظة صعبة”.
وأضاف: “بشكر مجلس إدارة النادي الاهلي بقيادة الكابتن محمود الخطيب، الراجل اللي عرف إزاي يحقق أحلامنا، الراجل اللي كان قدوة لينا، واللي عمره ما بخل علينا بأي دعم
وواصل نجم المنتخب المصري: “بشكر الجهاز الفني والطبي والإداري إلى كانوا في ظهري والسند في الأوقات الصعبة وكانوا السبب في إني أطلع افضل حاجة في أرض الملعب.. بشكر كل اللاعيبه إخواتي اللي كانوا معايا على الحلوة والمرة.. بشكركم على كل لحظة فرح عشناها مع بعض وعلى كل بطولة حققناها كتف في كتف اللحظات هتفضل محفورة في قلبي”.
واختتم اللاعب رسالته قائلا: “أنا خرجت من الأهلي كلاعب ولكن هفضل مشجع للنادي الأهلي أعظم نادي في الكون”.
View this post on Instagram
وكان عبدالمنعم، قد غادر القاهرة، صباح اليوم الثلاثاء، متوجها إلى فرنسا، من أجل الانضمام لصفوف نيس، حيث خضع اللاعب المصري للفحص الطبي، قبل التوقيع على عقود انتقاله للفريق الفرنسي.
ومن المزمع أن يوقع مدافع المنتخب المصري، عقدا مع ناديه الجديد يمتد حتي عام 2028.
وكان عبدالمنعم – البالغ من العمر 25 عاما – قد بدأ مسيرته الكروية في صفوف ناشئي الأهلي، ليخوض بعدها تجارب احترافية مع سموحة ومودرن فيوتشر، قبل أن يعود للأهلي في يناير من عام 2022 ليشارك بشكل أساسي مع الفريق الأول لكرة القدم بالنادي.
وخاض اللاعب 115 مباراة مع الأهلي (في كافة المسابقات)، سجل خلالها 8 اهداف.
وحقق محمد عبدالمنعم مع القلعة الحمراء، 3 ألقاب للدوري الممتاز ومثلهم لكأس السوبر المحلي، ولقبين لكأس مصر، إلى جانب لقبين لدوري أبطال أفريقيا.
