أعلن نادي الأهلي المصري، رسميا إصابة كريم فؤاد لاعب الفريق الأول لكرة القدم بالنادي الأهلي، بقطع في الرباط الصليبي، وذلك حسبما ذكر في بيان رسمي.
وقال الأهلي على لسان أحمد جاب الله طبيب الفريق الأول لكرة القدم بالنادي في بيان نشره عبر موقعه الرسمي، إن الأشعة والفحوصات التي خضع لها كريم فؤاد، أثبتت إصابته بقطع في الرباط الصليبي الأمامي.
وتعرض كريم فؤاد للإصابة خلال مشاركته في مباراة الفريق أمام سموحة بالدوري الممتاز، والتي جمعت الفريقين مساء الخميس الماضي على ملعب برج العرب بالإسكندرية.
ومن جانبه، عبر كريم فؤاد، لاعب الأهلي عن حزنه الشديد بعد تعرضه لإصابة بقطع في الرباط الصليبي.
وقال اللاعب في تدوينة نشرها عبر صفحته الرسمية على “فيس بوك”: “كل خسارة دُونَ الجنة ، فهي دُون.. اللهم لك الحمد كما ينبغي لجلال وجهك وعظيم سلطانك ، الدنيا دار إبتلاء وشقاء ودايماً الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها ، ودا بيكون إختبار ليك هتعمل ايه في الموقف دا ، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمه اوي مقابل اني اصبر على الإبتلاء دا”.
وأضاف فؤاد: “وأنا كان مكتوبلي إصابة في الرباط الصليبي للمرة التانية، بس عندي احساس تاني خالص مع الإختبار دا، انه انا في نعمة كبيرة اوي وإن الحمدلله ربنا رزقني بإختبار سهل وهين أوي مقابل إبتلاءات ناس تانيه اصعب من دا بكتير ، وكمان إختبار مش جديد عليا بَعيده للمرة التانية في وقت قصير ف هعرف اتعامل معاه بشكل كويس ويمكن احسن. عشان كدا بحمد ربنا ان الإبتلاء اللي هاخد عليه اجر كبير وعظيم مش بالصعوبة القاسية اللي توجعني وتهدني”.
وتابع: “أنا بحمد ربنا وراضي ومؤمن جدا إن ربنا بيحبنا نقرب منه بالعبادات اللي منها الصبر والدعاء.. الحمدلله مستعد للاختبار ومتحمس.. شوية وقت وهنرجع نحارب من تاني.. أشوفكم على خير قريب”.
وخاض كريم فؤاد 39 مباراة مع الأهلي (في كافة المسابقات) خلال الموسم الحالي، سجل خلالها 3 أهداف، وصنع 4 تمريرات حاسمة.
